用 AI 寫履歷？係得定唔得？HR 怎麼看？
「AI 幫我寫份 CV，會唔會太假？」
「HR 睇得出係 ChatGPT 寫嘅咩？」
「咁多競爭，我點樣可以突圍而出？」
你心中的疑惑，其實人人都有。身處香港 IT 求職戰場，每一個工程師、Developer、Analyst，甚至剛畢業嘅 IT Fresh Grad，都要面對同挑戰，如何樣寫一份夠 Sharp、夠 Relevant 的履歷，贏在第一關？
今次我哋唔只探討「應唔應該用 AI 寫 CV」，仲會教你點樣寫得聰明啲！
AI 寫 CV：好工具，唔係仙丹！
AI 可以幫你做咩？
- 草擬結構： 不知從何入手時，AI 可幫你建 CV 骨架。
- 語言打磨： 英文唔夠自信？AI 幫你砌靚句子，提高專業度。
- 改寫重複經驗： 有啲工做咗幾年，AI 幫你換個說法，避免重複又沉悶。
但 AI 幫唔到你嘅地方…
- 寫出你自己： 你幫過團隊解決咩難題？點樣 deliver project under pressure？呢啲唔係 AI 知。
- 說出你價值：生成內容易流於公式化，難以凸顯你獨特優勢。
- IT 趨勢洞察力： HR 想知你點睇最新 IT 趨勢，例如 AI security、cloud-native transformation — AI 未必講得出你真實諗法。
- 公司文化 match： 你點 fit in？你嘅價值觀係咩？AI 唔識寫你做人。
HR 點樣睇？
你將份工資料同工作經驗 feed 比 AI，幾秒鐘就彈出一份超「正」嘅 CV，自己睇完都覺得勁；點知 HR 好似同你鬥快咁，一收到你 AI-generated CV，唔夠一秒就「篩走」啦。
問題喺邊度呢？
- 就係因為超「正」：整篇用盡美麗的字，事事佳能，HR 唔會信。
- 大量使用反感的「虛詞」：AI通常都淨係拋啲空泛形容，講唔到具體情境，但又勁叻堆最靚嘅「虛詞」，HR 根本 imagine 唔到呢個係點樣嘅人。
延伸閱讀：Send CV 無回音？IT 求職者的三大錯誤及改善策略
CV成功過關，係咪海就係神仙？
你去到面試一樣可以穿崩，CV 寫到天下無敵，面試就有心無力。HR 一追問你詳情，技能點樣用、項目點樣做時，你講得好「行貨」，就好似交咗張功課但自己唔識做咁，咁樣反而會比人覺得你唔誠實，即刻被叮走。
可唔可以比 HR 知道你用 AI？
身為 IT 人，如果你話自己唔用 AI，HR 真係會傻眼。所以你完全可以用 AI 幫手寫 CV，只要你用正確的態度和專業技能善用 AI，「寫出你自己，說出你價值」。一份突出個人特質，而無 AI feel，又能引起 HR 共鳴嘅 CV，就係踏上成功之路嘅第一步。
應該點用 AI 寫 CV
如果想用 AI 幫手整 CV，先要搞清楚一份好履歷應該有咩：自己嘅個人特質、專案帶來幾多量化成果、邊啲技能先至最「老到」……有咗呢啲重點，再把資料 feed 落 AI，佢就會幫你重組內容，運用優美的英文措辭同句子結構出一份 CV。之後要自己過一遍，移除生硬嘅 AI 風格同不符實際嘅「幻覺」描述，再用 AI 檢查文法與拼字錯誤。最後排版控制喺一至兩頁之內，簡潔易讀，整成 PDF 就可以去申請職位。
💡 小貼士：你自己都唔清楚一份好履歷應該有咩，AI 唔會寫到一份好 CV